"جزمتهم أحسن منك هزأت نفسك".. ريهام سعيد تعاير أحمد العوضي برسالة مسيئة (ما القصة؟)

وجهت الإعلامية ريهام سعيد رسالة شديدة اللهجة للفنان أحمد العوضي بعد تصريحاته الأخيرة عنها على هامش حضوره مهرجان الأفضل، والتي رد من خلالها على انتقادها له بعد تصريحه بأنه الأعلى أجرًأ والأعلى مشاهدة.

أحمد العوضي عن ريهام سعيد: إعلامية مهمة وجميلة وعندها حلقة مع محمود حديدة من أقوى الحلقات

وقال أحمد العوضي ردًا على سؤال المذيع: “ايه رأيك في اللي قالته ريهام سعيد عنك؟”: “مشوفتش كلامها بس هي إعلامية مهمة وجميلة وليها حلقات جميلة وأزمتها مع كروان مشاكل أنا كنت متحيز ليها وعندها حلقة مع محمود حديدة من أقوى الحلقات”.

ريهام سعيد لأحمد العوضي: محمود حديدة وذوي الإحتياجات الخاصة جزمتهم أحسن منك

سرعان ما خرجت ريهام سعيد لترد على العوضي في منشور عبر حسابها الرسمي بموقع التواصل الإجتماعي الأشهر “فيس بوك” قبل أن تحذفه خلال الساعات الماضية.

وكتبت ريهام سعيد: “انت مصمم تجيب الكلام لنفسك . اللي عملت أقوي حلقه مع محمود حديده دي يا متنمر و هي كانت حلقه ازاي السوشال ميديا و المنتجين بيتاجروا بذوي الاحتياجات الخاصه”.

ريهام سعيد تهاجم أحمد العوضي: أنا مش زيك بشتري الناس بالفلوس واعملهم مسابقات

وأضافت: “أنا فعلا عملت أقوي حلقات في التاريخ لما رحت رفح و نزلت الأنفاق و رحت وسط الضرب في فلسطين و ملیون حلقه اتفرج عليها العالم . العالم بجد مش هزار مش ناس بشتريهم بالفلوس واعمل لهم مسابقات”.

ريهام سعيد تعاير أحمد العوضي: كنت بتدور علي واحده تتجوزها وتعيش في بيتها ولا قدرت تصرف عليها عملت منك بطل واديتك فرص كان بقالك عشرين سنه بتحاول تاخدها 

وأردفت ريهام: “عالجنا آلاف آلاف الحالات والأطفال وفتحنا أول مدرسه لذوي الاحتياجات الخاصه عشر سنين . وانت كنت بتدور علي واحده تتجوزها وتعيش في بيتها وانت ولا تقدر تصرف عليها ولا ادها عملت منك بطل واديتك فرص كان بقالك عشرين سنه بتحاول تاخدها والفولورز الي بتشتريهم بمسابقات دول أصلا عندك عشان انت جوزها”.

ريهام سعيد لأحمد العوضي: أنا شايفه أنك هزأت نفسك بما فيه الكفايه ورصيدك بيسموه مسلسلين يا راجل ده أنا مثلت اكثر منك

واختتمت ريهام سعيد رسالتها للعوضي قائلة: “أنا شايفه أنك هزأت نفسك بما فيه الكفايه واللي مش بيعترف بالجميل غالي ومستواه عالي افتكر كل الفشخره الكذابه دي ورصيدك بيسموه مسلسلين يا راجل ده أنا مثلت اكثر منك”.