شن الإعلامي شريف مدكور هجومًا حادًا على مسن المترو الصعيدي، صاحب الواقعة الأخيرة التي أثارت جدلًا واسعًا خلال الساعات الماضية، وذلك خلال منشور عبر حسابه الرسمي بموقع التواصل الإجتماعي الأشهر “فيسبوك”.

شريف مدكور يهاجم مسن المترو الصعيدي: الست تقعد براحتها هي مش من أسرتك

كتب شريف مدكور: “وانت تكلمها ليه اصلاً انتوا قاعدين في مواصلات عامه كل واحد يخش يقعد ملوش دعوه بحد و لا تكلم  حد و لا تبص لحد الست تقعد براحتها هي مش من أسرتك”.

كما قام بمشاركة منشور آخر يدافع عن الفتاة صاحبة فيديو مسن المترو، ويعرض لقطات لبعض الرجال وهم يجلسون بطرق غير لائقة داخل المترو، مرفقة بتعليق يقول: “اقعدي بالطريقة اللي تريحك محدش دافعلك تمن التذكرة … قعدتك متخصش حد طالما مش ملامسة للآخرين ولا معطلة الطريق”.

وأضاف المنشور: “ومفيش حاجة اسمها عربية رجال احنا نركب اي عربية براحتنا . المترو مواصلة عامة مش ورث ابوك”. … 

وأردف: “رجل علي رجل متجننش غير اللي رجولته هشة وضعيفة ومش قادر يفرض سيطرته فبيته وبياخد بالشبشب وجاي يعمل راجل عليكي”.

واختتم المنشور: “لما تكوني ضيفة في بيت وتقعدي مع كبار سن ساعتها تنزلي رجلك وده اسمه اتيكيت كفاية زرايب بقا”.