أثار الإعلامي عمرو أديب، قلق جمهور ومحبي المطربة شيرين عبد الوهاب بعد تصريحاته الأخيرة عنها، حيث تساءل عن سر اختفائها طوال تلك الفترة، ليصفها بأنها ثروة مصرية ويجب البحث عنها والحفاظ عليها، وذلك خلال تقديم حلقة برنامجه “الحكاية” المذاع عبر شاشة MBC مصر.
عمرو أديب يتساءل: هي شيرين عبد الوهاب فين ياجماعة؟
وقال عمرو أديب: “أغاني شيرين عبد الوهاب مقفول عليها، إلا بطرق غريبة، وأغانيها العظيمة غير موجودة، هي شيرين فين، حالتها الاجتماعية إيه، نشاطها فين؟ شيرين مختفية”.
وأضاف: “شوية بيان يطلع ويقولك ده صوتها، وبعدين يقولك ده AI، شيرين بتخلص، أنا معرفش مرتبطة بمين، محدش يعرف حاجة، شيرين دي ثروة مصرية، شيرين فين يا جماعة؟”
عمرو أديب يثير الجدل حول اختفاء شيرين عبد الوهاب: أنا بدق ناقوس الخطر
وأضاف أديب: “محدش عارف يوصل لها، ومحدش يعرف، هل هيدا عادي؟ على رأي إخوانا اللبنانيين، أنا بدق ناقوس الخطر، ولو سمعاني اتكلمي يا شيرين، ردي عليا يا شيرين”.
واختتم: “أول مرة شيرين طلعت في التليفزيون كانت معايا وآخر مرة كانت معايا، حاجة جبارة، شيرين لن تتكرر، أنا بتكلم عن القوة الناعمة المصرية، مصر ولادة، بس مش بالسهولة”.
0 تعليق